Seinnapartin leygardagin verður jólahugni í viðarlundini í Trongisvági. Tað er eitt tiltak, tey hava skipað fyri upp undir jól í fleiri ár og í ár verður tað so leygardagin klokkan 17.
Viðarlundin í Trongisvági er ein fríðstaður hjá nógvum fólki og hesa tíðina er hon pyntað við jólaperum, so tað er væl gangandi, hóast tað er myrkt er. Á hugnaløtuni verður kakao og bollar, jólamenn vitjað og skipað verður fyri sangi við harmoniku og gittarspæli afturvið.
|
