Í minsta lagi 100 fólk eru deyð, eftir at hernaðarliga palestinski bólkurin Hamar í dag hevur lopið á Ísrael.
Tað skrivar ísraelski miðilin N12 við tilvísing til læknakeldur.
Talið av deyðum er enn ikki váttað frá almennari síðu. Higartil hevur ísraelska sjúkraflutningstænastan váttað, at 40 ísraelar eru deyðir.
Men heilsumálaráðið í Ísrael váttar fyri blaðnum Haaretz, at 908 ísraelar eru særdir og fluttir á sjúkrahús síðani í morgun.
Í morgun sendi Hamas minst 2200 rakettir um markið til Ísrael. Hernaðarliga Hamas-fólk tongdu inn í fleiri ísraelskar býir í einum umfatandi álopið, sum tók øll á bóli.
Bólkurin hevur tíggjutals ísraelar sum gíslar. Talan er bæði um sivil fólk og um herfólk, skrivar fleiri ísraelskir miðlar.
Hetta er blóðugasta álopið ímóti Ísrael í mong ár.
##med2##
Seinnapartin eru bardagar millum ísraelska herin og hernaðarliga palestinar fleiri staðni, skriva ísraelskir miðlar.
Nógv herfólk eru deyð, eftir at tey royndur at treingja inn í Ísrael sjóvegis, skrivar Haaretz.
Í Gazageiranum eru 198 palestinar deyðir í ísraelskum loftálopum.
Tað sigur heilsumálaráðið í palestinska økinum nú seinnapartin, sigur Reuters.
Í minsta lagið 1610 onnur eru særd, upplýsa myndugleikar sambært Sky News.
Ísrael hevur higartil sett í verk sonevndu Operatión Jarnsvørð, sum svar upp á umfatandi rakettálopið frá hernaðarliga bólkinum Hamas, sum situr á valdinum í Gazageiranum.
Benjamin Netanyahu, forsætisráðharri, hevur boðað frá, at Ísrael nú er í kríggi ímóti Hamas.
/ritzau/
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
##med23##
##med24##
##med25##
##med26##
##med27##
##med28##
