Í dag var lisitatión hjá Landsverki um rundkoyring, sum skal gerast í Miðvági. HZ-Gravimaskinur hevði bíligasta boðið. Arbeiðið at gera rundkoyring í Miðvági var í dag til lisitatión hjá Landsverki. Arbeiðið er mett at kosta umleið 1,6 milliónir krónur, men HZ-Gravimaskinur sigur seg kunna gera arbeiðið fyri lítið meira enn eina millión.
Hini boðini lógu frá 1,3 milliónir til 1,8 milliónir krónur.
Hetta upplýsir Landsverk, sum nú fer at taka støðu til boðini.
