Knút Háberg Eysturstein byrjar konsertárið í Sirkus, tá hann hóskvøldið 2. januar fer á pall.
Knút framførir sangir av útgávuni On High, ið hann gav út í fjør. Hann framførir saman við Mattiasi Kapnas á klaveri, Per I. Højgaard Petersen á tamburin og Óluvu Dam á sang. Einari uppseting, ið ikki er roynd fyrr.
Knút og Mattias spældu seinast saman á Mentanarnáttini á Christiansborg í Keypmannahavn í oktober mánaði, og gleða seg sostatt at spæla saman við Óluvu og Per undir heimligu umstøðunum niðri í Sirkus í Vágsbotni.
Konsertin byrjar kl. 21.00
