ÍF styrkti um sína støðu

TB vann í gjár 3-1 á útivølli ímóti NSÍ, og í dag vann ÍF 2-1 á útivølli ímóti Undrið FF,

TB er topplið ínæstbestu deildini við 43 stigum, og ÍF er næstfremst við 39 stigum. Á triðja plássi er næstbesta liðið hjá KÍ við 31 stigum. Klaksvíkingar vunnu hóskvøldið sannførandi 3-1 heimasigur á Summarfestivalinum ímóti teimum næstbestu hjá HB.

At Undrið FF tapti 2-1 á heimavølli ímóti ÍF ber við sær, at møguleikin hjá Undrinum fyri fyrstu ferð nakrantíð at vinna uppflyting í bestu deildina, fánaði nógv. Nú eru tað tíggju stig frá Undrinum og fram til ÍF, sum hevur spælt ein dyst færri enn Undrið FF. Teir í Undrinum vóru ikki sørt spentir, hvussu tað fór at tørna út, eftir at teir í ólavsøkuumfarinum vunnu 3-0 á heimavølli ímóti B71, sum er fjórða liðið, ið á pappírunum hevur møguleika at flyta upp.

Úrslitini hjá B71 hava seinastu tíðina verið so soltin, at tað ikki verður hugsað  um møguleikan at flyta upp í B71. Nú ræður um hjá sandoyingum at vinna næsta dyst, sum teir siga.

Víkingur vann í dag 2-0 uppi á Brekku í Leirvík ímóti næstbesta liðnum hjá 07 Vestur, sum framvegis ikki hevur vunnið fulla úrtøku.

Undrið FF – ÍF 1-2 (0-1)

0-1: Tóri Nolsøe Olsen 22.

1-1: Ólavur Venned 55.

1-2: Dánjal á Lakjuni 71.

-

Víkingur – 07 Vestur 2-0 (0-0)

1-0: Ari Olsen 81.

2-0: Rani Hansen 83.

-

-

Leygardagin 13. august

ÍF – KÍ

07 Vestur – Undrið FF

HB – B71

B36 – NSÍ

TB – Víkingur