Síðstu nátt hevur innbrot verið í samkomuhúsinum, Kelduni, í Skálabotni.
Bergleif Brimvík, leiðari á kriminaldeildini hjá Løgregluni, sigur, at innbrotið varð fráboðað seinnapartin í gjár.
Hann sigur, at innbrotstjóvarnir hava brotið eina úrhurð upp og inni í Kelduni hava tey stolið ein pengakassa við einum 10.000 krónum í.
Løgreglan kannar málið og Bergleif Brimvík sigur, at innbrotstjóvarnir hava latið spor eftir seg, sum løgreglan nú brúkar í arbeiðnum at uppklára innbrotið.
