Ein amerikansk familja hevur júst uppgivið at føra rættarsak ímóti einum amerikanskum hospitali, sum sigst at hava favoriserað Jacko fram um eina doyggjandi kvinnu.
Tá ið Michael Jackson í 2005 varð ákærdur fyri kynsligan ágang móti einum 13-ára gomlum drongi, klagaði hann um influenzasymptomir og kom tískil á sjúkrahús.
Starvsfólkið á sjúkrahúsinum vildu so gjarna gera alt gott fyri Michael Jackson, at tey fluttu eina doyggjandi kvinnu úr einari tvey- manns stovu, fyri at Michael Jackson kundi liggja einsamallur á stovuni.
Kvinnan, sum hevði havt ein hjartatilburð, endaði við at doyggja av hesum.
Sjúkrahúsleiðslan avvísir allar klagur og nú hevur familjan sum sagt uppgivið rættarsakina.
- Mínir klientar eru vanlig fólk og stóra pressið av longu gongdini er vorðið ov nógv fyri tey, greiðir James McKiernan, advokatur, frá.
