Havstovan hevur søkt eftir skiparum til nýggja havrannsóknarskipið, Jákup Sverra, sum ongan skipara hevur í løtuni.
Freistin at søkja var úti hin 5. november, og stovnurin hevur fingið út við 20 umsóknir til størvini.
- Vit eru nú í einari setanartilgongd, og eg vænti, at tað skjótt verður greitt, hvørjir verða settir í størvini.
Reiðarin á Jákupi Sverra, Annfinn Hjelm, sigur, at viðgerðartíðin er eitt sindur tengd at, nær fólk eru heima, tí onkur av umsøkjarunum er burtur.
- Vit skulu hava tveir nýggjar skiparar til Jákup Sverra, harav annar byrjar hin 1. januar - og hin 1. februar komandi ár.
Annfinn Hjelm sigur, at vanliga byrjar árið hjá havrannsóknarskipinum í februar og endar í november.