B36 hevur boðað frá, at felagið hevur gjørt sáttmála við Jann Benjaminsen. Hann kemur úr norska felagnum Hødd IL, sum annars flutti upp í næstbestu deildina. Í eina tíð hevur ljóðað, at hann fór at skifta til føroyskan fótbólt.
- Eg síggi B36 sum eitt spennandi projekt og eg haldi, at B36 er endað ov aftaliga seinastu árini. Nú er tíð upp á, at B36 kemur aftur upp á toppin. Kappingarárið 2023 verður eitt spennandi kappingarár. Vit hava ein sterkan hóp og koma heilt sikkurt at liggja í toppinum og berjast um FM-heitið, sigur Jann Benjaminsen í sjónbandabrotið, sum B36 hevur lagt út.
Jann Benjaminsen er 25 ára gamal og hevur fyrr spælt við B68 og NSÍ. Eftir kappingarárið 2020 fór hann til norskan fótbólt at royna seg. Eftir uppflytingina við Hødd IL fekk hann eisini landsliðsboð og fekk sínar fyrstu minuttir móti Kosovo.
