Tað gekk soleiðis í dag, sum tað hevur gjørt seks tær undanfarnu ferðirnar í summar. Jarnbardur vann kappingina millum 6-mannaførini við kvinnum. Harvið vann Jarnbardur FM við fullum stigatali.
Sølmundur endaði næstfremst, og harvið vann guli báturin av Glyvrum silvurmerkini í FM kappingini.
Jarnbardur var fremstur mest sum allan teinin. Eina løtu sá tað út til, at sigurin fór at verða heilt sannførandi. Í endaspurtinum svaraði Sølmundur aftur, og tá ið bátarnir fóru um málið, var munurin ein lítil hálv bátslongd.
Páll Fangi, sum ikki hevur luttikið so nógv í summar, endaði í dag á bronsuplássinum.
| 1 | Jarnbardur | 04:47.05 | ||
| 2 | Sølmundur | 04:48.20 | ||
| 3 | Páll Fangi | 04:52.05 | ||
| 4 | Lómur | 04:55.01 |
| 1 | Jarnbardur | 49 | ||
| 2 | Sølmundur | 39 | ||
| 3 | Lómur | 37 | ||
| 4 | Páll Fangi | 9 |
