Javnaðarflokkurin er nú klárur við listanum til býráðsvalið í Eysturkommunu í næsta mánað. Tey eru átta valevni á lista C, sum hann eitur, fýra menn og fýra kvinnur, og tey eru úr øllum fimm bygdunum í kommununi.
Listi C hevur tveir býráðslimir í verandi býráðið, Hans Mourits Foldbo og Árni Jacobsen, men Árni Jacobsen stillar ikki upp aftur.
Annars eru tey átta valevnini, hesi:
Anna Tórbjarnardóttir, námsfrøðingur, Við Gøtugjógv
Bárður Reinert Joensen, skrivstovumaður, Leirvík
Bjørg Joensen Eskildsen, múrari, Undir Gøtueiði
Edvard á Hólalagnum, maskinmeistari, Leirvík
Hans Mourits Foldbo, sálarfrøðingur, Norðragøta
Marita Klein Joensen, hagfrøðingur, Syðrugøta
Regin Strømsten, sjómaður, Norðragøta
Unn Jarnskor Ellingsgaard, námsfrøðingur, Syðrugøta
Tey siga, at tey fara at leggja dnet á at gera spælipláss í øllum bygdunum, og at gera ungdómshús. Tey vilja eisini hava eitt vakið eyga við eldrarøktini og at útvega grundstykki til bústaðir.
Tey halda eisini, at allur bygningar hjá kommununi eita at hava grønar orkuskipanir.
