Jenis er føddur í Trongisvági, har hann eisini vaks upp. Hann er sonur Aslaug og Dánjal av Rana, og hann er giftur Annu av Rana, sum er dóttir Honnu og Absalon Absalonsen.
Jenis av Rana er útbúgving serlækni í almen medicin frá universitetinum í Århus í 1983. Umframt at vera løgtingsmaður starvast hann eisini sum kommunulækni í Havn, og tað hevur hann gjørt síðani 1994.
Jenis av Rana er ein av stovnarunum av Miðflokkinum, og hann varð valdur á ting í 1994 og hann er afturvaldur fimm ferðir síðani tá.
Jenis av Rana hevur eisini havt sæti í Tórshavnar býráð. Hann var næsti maður hjá Uttanflokkalistanum hjá Peturi í Gong í 1992. Og tá Petur í Gong í 1993 legði býráðssessin frá sær, tók Jenis av Rana við sessinum.
Til býráðsvalið í 1996 stillaði Miðflokkurin á fyrsta sinni upp til býráðsval í Havn, men vann sær ikki sæti.
Jenis av Rana hevur eisini verið nevndarlimur í Læknafelag Føroya 1989 -1995. Nevndarlimur í kristiliga kringvarpinum Lindini síðani 2000. Scandinaviskur leiðari í alheims læknafelagsskapinum WCDN síðani 2006.
