Jenis brýtur lógina – er nevndarformaður í partafelag

Landsstýrisfólk skulu leggja øll størv frá sær og kunnu ikki vera nevndarlimir í vinnufeløgum. 

Men tað er Jenis av Rana kortini.

Tað sæst millum annað í skipanini hjá Skráseting Føroya um samband og nevndarsessir í kapitalfeløgum.

Ein skjót leiting upp á landsstýrismenninar hjá Bárði á Steig Nielsen vísir, at Jenis av Rana er nevnarformaður í PKR Sp/f, sum er felag á Tvøroyri, har bróðir hansra, Petur Karl av Rana, er stjóri. Felagið hevur sum endamál »at reka jarðarbrúk, eiga og reka fastogn, umframt annað virksemi í hesum sambandi«.

Á heimasíðuni hjá Løgmansskrivstovuni er lagt út eitt upplýsingarskjal frá øllum landsstýrismonnunum um persónlig áhugamál hjá teimum. Men har hevur Jenis av Rana heldur ikki upplýst, at hann er nevndarlimur í áðurnevnda partafelag. 

Men hann upplýsir, at hann var nevndarlimur í Lindini – og at hann fór í farloyvi 15. September 2019 – tá hann tók við sum landsstýrismaður