Ein framsýning við 25 verkum, ið øll ímynda hvør sín serstaka firvald.
firvaldurin er sambært listamanninum boðberin um várið, og um várið í hjartanum. Óansæð, um hann er litfagur ella bleikur og slitin, so er hvørt verk serstakt, og lýsir firvaldinum sum vit kenna hann útstappaðan, settur í rammu handan glas og hangandi á einum hvítum veggi, uttan lív, og uttan gandadustið, ið hann hevur livandi.
Framsýningin sigur søguna um, at okkara eftirkomarar møguliga ongantíð fara at uppliva eina løtu við vári í hjartanum, tá henda gandakenda vera sveimar framvið, ein løta við viðbreknum gandi, ein løta at droyma og ein løta at goyma.
Verkini vísa virðið í margfeldinum.
##med2##
Gallarí Havnará heldur til á niðastu hædd søguligu húsunum har Tórs Cafeteria húsaðist. Millum plantasjuna og Sjónleikarhúsið og mitt áartutlinum er hetta lítla gallaríið ein lítil listarlig perla í Havnini. Fernisering er fríggjadagin 21. apríl kl. 15 og framsýningin er opin til og við 26. apríl.
