Jógvan Philbrow er settur í starv sum dagstovnaleiðari á dagstovninum á Flatinum á Oyrarbakka.
Býráðið í Sunda kommunu samtykti á býráðsfundi tann 23. mai 2025 at seta Jógvan í starv sum dagstovnaleiðari á Flatinum.
- Jógvan er 51 ára gamal og útbúgvin námsfrøðingur. Hann hevur starvast sum stovnsleiðari í góð 10 ár, og síðan sum formaður í Føroya Pedagogfelag í níggju ár.
Soleiðis siga tey í Sunda kommunu.
Lagt verður aftrat, at Jógvan Philbrow seinasta árið hevur starvast sum námsfrøðingur á dagstovninum Brúsa í Leirvík.
- Hann byrjar í starvinum hin 1. august, og vit ynskja honum blíðan byr í nýggja starvinum, siga tey í Sunda kommunu.
