»Gallarí Havnará« er nýtt gallarí í Havn, sum Jóhanna og Bogi Andreasen hava latið upp í gomlu húsunum hjá Bibi Haraldsen millum Havnará og Niels Finsensgøtu í Havn, sum tey eldru helst betur kenna sum Tórs Cafeteria.
– Ætlanin er at hava nakrar framsýningar um árið, kanska einar 8-10 í tali tali við kendum listafólkum, sigur Bogi Andreasen.
– Men ætlanin er eisini at selja list til dagligt, og tá verður opið eftir avtalu.
Í løtuni er til dømis list hjá Silja Eystberg, Kára Svensson, Eyðun av Reyni og Astrid Luin at síggja á gallarínum.
Umframt listahandil í Føroyum, so er ætlanin, at Gallarí Havnará eisini skal fara uttanlands á altjóða messur við føroyskari list.
##med2##
Og í dag letur upp forkunnu framsýning við málningum, sum Jógvan Asbjørn Skaale, sáli, hevur málað. Tað er í sambandi við, at hann í morgin hevði fylt 75 ár.
Í kalendaranum er eisini ein framsýning við Frits Johannesen í Fuglafirði. Tann framsýningin verður í apríl.
– Vit eru só brá, so tað kann væl vera, at onkur onnur framsýning verður fyri ta tíð, sigur Bogi Andreasen.