- Navnið er møguliga ikki so kent í Føroyum, men sangirnir eru heimshitt.
Tað siga tey, sum skipa fyri OY Voxbotn í tíðindaskrivi í dag.
- Justin Jesso hevur samstarvað, skrivað og sungið sangir saman við Ricky Martin, The Backstreet Boys, Kygo, Armin Van Buuren og Michael Bolton.
Í 2017 gav hann út lagið "Stargazing" saman við Kygo, og gjørdist hetta eitt av allar størstu hittunum í heiminum tað árið.
- Hann er ein stjørna, ið fleiri aðrar stjørnur standa í bíðirøð eftir at samstarva við, og við honum sum solo sangara fáa vit øll hittini í einum.
OY Voxbotn heldur tað vera sera spennandi, at hann nú kemur til Føroya, tí hann hevur verið á konsertferð kring allan heim og hevur samstarvað við nøkrum av teimum allar størstu í tónleikavinnuni.
Tí verður hetta uttan iva ein uppliving, sum kemur at bjóða okkum á eina ferð til tindarnar í popp tónleiki.
- Úr Los Angeles í USA, til pallin mitt í Havn – Justin Jesso verður uttan iva ein av stóru løtunum til OY Voxbotn 2024.
