Meðan mansfótbólturin hevur verið í steðgi hetta vikuskiftið vegna uppgávurnar hjá U21-landsliðnum, so hevur besta kvinnudeildin verið í dysti.
KÍ hevur verið einaráðandi higartil og ikki mist nakað stig, meðan AB og B36 hava runnið aftaná og leingi bara verið trý stig aftanfyri. Hetta vikuskiftið hittust júst KÍ og AB, og her fekk KÍ ein týdningarmiklan sigur og fekk lagt sjógv niður til AB. Tær vunnu nevniliga dystin heima í Klaksvík 3-0 eftir hálvleiksstøðuna 2-0.
B36 fylgir væl við KÍ og er framvegis bara trý stig aftanfyri, eftir at tær á Skála vunnu 2-0 eftir at hava verið á odda 1-0 í hálvleikinum.
FC Suðuroy fekk sítt næsta stig í ár eftir at tær heldur óvæntað spældu javnleik 1-1 ímóti HB heima í Vági. EB/Streymur vann 2-0 í Streymnesi ímóti B68/NSÍ, meðan Víkingur vann 1-0 í tættari grannauppgerð ímóti ÍF í Fuglafirði.
AB hevur nú mist eitt týdningarmikið fet í oddastríðnum, meðan B36 við framvegis trimum stigum upp til eitt ósigrað KÍ-lið er einasti nærmasti og kanska einasti avbjóðari.
KÍ setti AB upp á pláss
