Ein potentiel føroyingauppgerð var í Pepsideildini í Íslandi, tá Valur tók ímóti Grindavík í dag, men tað bleiv bert talan um ein føroyskan aktør.
Kaj Leo í Bartalsstovu kom tíðliga í seinna hálvleiki á vøllin fyri Val, ið vann 1-0 á Grindavík, ið hevði René Shaki Joensen á beinkinum allan dystin. Kaj Leo kom til ein sera góðan málmøguleika, men málverjin hjá Grindavík, Vladan Djogatovic vardi væl fyri skotinum hjá Kaj Leo.
Gongdin hevur ikki verið góð hjá meistaraliðnum, Vali higartil í ár, og tí kom sigurin í dag á eitt sera turt stað. Andri Adolphson skoraði sigursmálið hjá Vali tá 67 minuttir vóru leiktir.
Hjá Grindavík gongur heldur ikki nakað serligt. Teir hava eins og Valur 10 stig.
Hitt føroyingaliðið í Íslandi, FH spælir í løtuni móti KR á heimavølli. Brandur H. Olsen byrjar inni fyri FH.
Støðan í Pepsideildini:
| NR | LIÐ | Dystir | V | J | T | ||
| 1 | Breiðablik | 10 | 7 | 1 | 2 | 22:11 | 22 stig |
| 2 | KR | 9 | 6 | 2 | 1 | 17:9 | 20 |
| 3 | ÍA | 9 | 5 | 1 | 3 | 15:12 | 16 |
| 4 | Stjarnan | 10 | 4 | 3 | 3 | 17:16 | 15 |
| 5 | KA | 9 | 4 | 0 | 5 | 11:11 | 12 |
| 6 | Fylkir | 9 | 3 | 3 | 3 | 15:16 | 12 |
| 7 | FH | 8 | 3 | 3 | 2 | 14:15 | 12 |
| 8 | Valur | 10 | 3 | 1 | 6 | 16:16 | 10 |
| 9 | Víkingur R. | 9 | 2 | 4 | 3 | 13:15 | 10 |
| 10 | Grindavík | 9 | 2 | 4 | 3 | 7:9 | 10 |
| 11 | HK | 9 | 2 | 2 | 5 | 10:12 | 8 |
| 12 | ÍBV | 9 | 1 | 2 | 6 | 8:23 | 5 |
