Í Íslandi er ein "Meistari Meistaranna", tá ein vinnur stórsteypadystin millum meistararnar og steypavinnararnar.
Meistararnir, Valur og steypavinnararnir, ÍBV við Kaj Leo í Bartalsstovu við frá byrjan spældu stórsteypadystin í kvøld.
Valur vann dystin 2-1. Øll málini komu í fyrra hálvleiki. Valur kom á odda tá ein hálvur tími var farin, og 10 minuttir seinni øktu teir til 2-0.
Beint undan steðginum minkaði Kaj Leo í Bartalsstovu um munin við einum góðum skoti.
Men fleiri mál komu ikki í dystinum, og Valur er tí "Meistari Meistaranna" í Íslandi.
