Tað eru tey fýra, Ingibjørg Hansen, sang, Jón Festirstein, violin og bratsch,
Martin Mouritsen, klarinett og Árni Hansen, klaver, sum framføra.
Jón, Martin og Árni hava allir sína tónleikaútbúgving frá Det Kg. Danske Musikkonservatorium í Keypmannahavn. Ingibjørg hevur fingið tímar í sangi hjá Ernst Sondum Dalsgarð. Ingibjørg hevur sungið á nógvum konsertum, m.a. hevur hon í fleiri førum luttikið á vælumtóktu konsertunum, sum Ernst hevur skipað fyri á ólavsøku í Havnar Kirkju. Ingibjørg, sum vaks upp í Mikladali, er tannlækni og arbeiðir hjá skúlatannlæknanun í Havn.
Jón er violinlærari á Tórshavnar Musikkskúla og á Tónlistaskúlanum í Eysturkommunu og spælir ofta í ymiskum høpi, m.a. spælir hann violin og bratsch í Føroya Symfoniorkestri.
Martin et stjóri fyri føroysku musikkskúlaskipanini og spælir eisini í Føroya Symfoniorkestri.
##med2##
Árni er eftirløntur tónleikalærari frá Føroya Læraraskúla.
Tað sum framført verður, er:
Violinsonata eftir Schubert - Tríggir sangir, m.a. Ave Maria, eisini eftir Schubert - Romansa í F-dur fyri violin og klaver eftir Beethoven og trio fyri klarinett, bratsch og klaver, “Kegelstattrio” eftir Mozart.
Tiltakið er stuðlað av Tórshavnar Kommunu og Konsertfelagnum.
Tað er ókeypis atgongd, og koronutilmæli verða fylgd, siga fyrireikararnir.