Ársins dómarapar í føroyskum hondbólti hevur bara dømt heilt fáar dystir saman.
Ein skaði hjá vanliga makkaranum hjá Eyðuni, Hera Petersen, stutt undan steypafinaluni fekk teir báðar at taka nakrar dystir saman - teirra millum steypafinalurnar.
Og hetta gekk somikið væl, at teir í kvøld vórðu kosnir ársins dómarar. Enntá framman fyri seg sjálvar.
Hini bæði pørini, sum vóru við í kapprenningini, vóru nevnliga upprunapørini hjá Eyðuni og Gert. Nevnliga Eyðun Samuelsen & Heri Petersen og Gert Hansen & Arnar Dam.
