Miðvallarin hjá ÍF, Karl Løkin heldur, at teir vóru nærri sigrinum enn B36, tá liðini spældu javnleik 0-0 í Fuglafirði fyrr í dag.
Karl Løkin heldur, at ÍF hevði fleiri málmøguleikar enn B36, sum átti at givið teimum sigurin í dag. Tó ásannar Karl Løkin, at B36 kundi havt farið við øllum stigunum ímóti dystarenda, tá teir høvdu eina sera góða roynd á ÍF-málið.
Nú ætla teir í ÍF at vinna á AB á Argjum komandi vikuskiftið fyri at fáa eina góða fjarstøðu niður til botnliðini.
TRÝST á PÍLIN undir MYNDINI, og hoyr samrøðuna, sum var gjørd við Karl Løkin á Rás2 fyrr í dag.
