Katar tapti í dag 3-1 móti Senegal og er gúppað úr HM-endaspælinum, sum teir sjálvir skipa fyri. Fleiri viðmerkjarar halda fyri, at Katar er vánaligasta landsliðið, sum hevur spælt í eini HM-endaspæli í nýggjari tíð.
Senegal er uttan stóru stjørnuna Sadio Mané, sum er skaddur. Í dag var tað ikki brúk fyri áleyparanum úr Bayern Munchen. Boulaye Dia og Famara Diedhiou løgdu Senegal á odda 2-0, áðrenn Katar skoraði sítt higartil einasta mál í HM-endaspælinum.
Løtu seinni staðfesti Bamba Dieng sigurin við máli til 3-1. Katar hevur einki stig á aftasta plássi, meðan Senegal, sum tapti í fyrsta umfari móti Hollandi, nú hevur trý stig.
Í hinum dystinum í bólka A spældu Holland og Ekvador eitt sindur óvæntað javnleik. Holland kom á odda við máli, sum Cody Gakpo skoraði. Hann er stóra nýggja navnið hjá Hollandi og væntast at verða seldur í vetur. Hann spælir við PSV í heimlandinum.
##med2##
Ekvador svaraði tó aftur stutt fyri tíð. Málskjútti var Enner Valencia. Hann hevur skorað tey seinastu seks málini hjá Ekvador til HM-endaspøl. Ekvador er nú fremst saman við Hollandi. Bæði hava fýra stig.
Bólkur A:
Holland – Ekvador 1-1 (0-0)
Katar – Senegal 1-3 (0-1)
Støðan:
1: Holland 4
2: Ekvador 4
3: Senegal 3
4: Katar 0