Tað váttaði hann sjálvur í sendingini hjá Suna Merkistein í sjónvarpinum, sum snúði seg um vitjanina hjá talvheimsmeistaranum í Føroyum.
Rani Nolsøe, sum tá var formaður í Talvsambandinum, greiddi frá, hvussu hann fekk vitjanina í lag. Hann fekk sjálvur uppgávuna at skaffa sponsorar, bæði privatar, men eisini almennar.
– Ikki minst var tað Tórbjørn Jacobsen, landsstýrismaður í mentamálum, sum stuðlaði heilt alvorliga. Hetta vildi hann veruliga. So at vit fingu tað økonomiskt at hanga saman, greiddi Rani Nolsøe frá í sendignini.
Og Tórbjørn Jacobsen legði so afturat:
– Eg segði við Rana, at eg skuldi brúka nógva orku upp á at finna fram til tann pening, sum var neyðugur, og at eg hevði bara eitt mótkrav: At eg sjálvur slapp at telva eitt talv ímóti kanska tí sterkasta telvaranum, sum nakrantíð hevur verið í heiminum...
Soleiðis kunnu fólk við makt seta seg sjálvan í fokus fyri almennar pengar.
