##med2##
Eingin hevur longst eftir hesari løtuni meir enn maðurin, ið hevur átt metið sum søguligur toppskjútti hjá landsliðnum gjøgnum 14 ár. Rógvi Jacobsen hevur úttalað meir enn einaferð í samrøðu við FM1, at hann vónaði onkur fór at taka metið hjá honum sum søguligur toppskjútti hjá landsliðnum við 10 málum. Nú hevur Klæmint Olsen javnað metið hjá Rógva. Tað gjørdist veruleiki í 72. minutti tá Klæmint við góðum stútara javnaði til 2-2. 10 minuttir áðrenn hevði Klæmint ósjálvssøkið lagt upp til Sølva Vatnhamar tá Føroyar minkaðu munin til 1-2.
Tá FM1 fær orðið á Klæmint aftaná dystin hevur hann mest hug at framdragað hvussu gott innleggið hjá René Shaki Joensen var, og at talan var um eitt gott álop.
Klæmint sigur seg ikki kunna fegnast so nógv um málið beint nú, tí hann iðrar seg um tepra 2-3 tapið, men tá ein tíð er fráliðin fer hann at duga betri at gleðast um tað.
- Tað er altíð stórt at skora fyri landsliðið, undirstrikar Klæmint.
Á ljóðfíluni omanfyri ber til at hoyra søguliga málið og samrøðuna FM1 gjørdi við Klæmint.
Ísrael – Føroyar 3-2 (1-0)
1-0: Munas Dabbur br 30.
2-0: Shon Weissman 58.
2-1: Sølvi Vatnhamar 62.
2-2: Klæmint A. Olsen 72.
3-2: Dor Peretz 74.
Dómarabólkur úr Fraklandi:
Føroyar: Gunnar Nielsen - René S. Joensen, Odmar Færø, Hørður H. Askham, Sonni Ragnar Nattestad (Heri H. Mohr, 71.), Viljormur Davidsen - Hallur Hansson (Klæmint A. Olsen, 52.), Brandur H. Olsen, Jákup B. Andreasen (Tróndur Jensen, 70.), Sølvi Vatnhamar (Petur Knudsen 80.) - Jóan Símun Edmundsson (Jóannes Bjartalíð, 80.)
Á beinkinum: Teitur Matras Gestsson, Mattias Lamhauge, Bartal Wardum, Hannes Agnarsson, Bjarni Petersen, Heðin Hansen og Patrik Johannesen
Venjari: Håkan Ericson
Hjálparvenjari: Eli Hentze
