Føroyska U21-landsliðið hevur EM-undankappingardyst fyri framman hóskvøldið, tá ið Finnland kemur á vitjan á Tórsvølli. Tað eru úttiknir 20 leikarar til dystin, og í dag er ein broyting framd í hópinum.
Orsøkin er tann, at Magnus Egilsson hjá HB, ið upprunaliga var úttikin, hevur meldað avboð. Avloysari hansara verður David Langgaard hjá KÍ, ið veruliga hevur fingið sítt gjøgnumbrot á besta liðnum hjá KÍ í ár. Tað veit lokalmiðilin í norðoyggjum, Norðlýsið, at siga í kvøld.
David Langgaard hevur spælt sjey dystir á besta liðnum hjá KÍ í ár, og hevur hann víst seg at verið ein fjølbroyttur leikari, ið kann spæla á fleiri plássum. Millum annað hevur hann spælt bæði sum høgri vongur og vinstri bakkur hjá KÍ í ár. Tó fekk hann ein keðiligan leiklut í farna dysti hjá KÍ, tá ið hann varð útvístur í hálvfinaluni hjá KÍ ímóti NSÍ í steypakappingini. Útvísingin fekk tó ikki stórvegis ávirkan á dystin, tí at KÍ vann heili 4-1.
Frammanundan hava Hørður Askham hjá B36 og Ári Mohr Jónsson hjá HB givið avboð til dystin vegna skaðar. Jákup Vatnhamar Olsen hjá Víkingi var ikki upprunaliga úttikin til hópin, men bleiv úttikin eftir avboðini frá hesum báðum.
Dysturin ímillum Føroyar og Finnland byrjar hóskvøldið klokkan 18. Føroyski hópurin, ið telur 19 mans, sæst niðanfyri.
Málmenn
Elias Rasmussen, Víkingur
Karstin Hansen, NSÍ
Verjuleikarar
Leivur Joensen, ÍF
Jákup Vatnhamar Olsen, Víkingur
Andrias H. Eriksen, B36
Jákup F. Hansen, HB
Benjamin Heinesen, B36
Teitur J. Olsen, TB
Miðvallarar
Jonas Gejel Hansen, Helsingør FC
Jóannes Bjartalíð, KÍ
Hákun Edmundsson, B68
Gestur B. Dam, B36
Petur Knudsen, NSÍ
Teit Jacobsen, HB
David Langgaard, KÍ
Jákup B. Andreasen, KÍ
Áleyparar
Meinhard E. Olsen, Vendsyssel FF
Patrik Johannesen, AB
Jákup Thomsen, FC Midtjylland
