In.fo hevur fingið upplýst, at Daniel Johansen hevur givið avboð til komandi landsdystirnar móti Danmark og Ísrael. Hann hevur fingið staðfest koronu og tí má hann geva avboð, umframt at allur hópurin hjá HB skal testast.
Daniel Johansen var millum teir 23, sum Håkan Ericson, landsliðsvenjari, úttók til komandi landsdystirnar, sum verða móti Danmark 12. november og Ísrael 15. november.
Koronusmittan hevur gjørt um seg í seinastuni. Millum annað í B36, sum skal spæla útsetta dystin móti Víkingi hóskvøldið.
