Suðuroy slapp leingi lutfalsliga lættari í koronutíðini, enn økini norðanfjørðs. Man tann støðan er munandi broytt nú, tí nú er smittan nógv ógvusligari í Suðuroy enn í økjunum norðanfjørðs.
Sambært uppgerð á korono.fo, so hava seinastu sjey dagarnar 10.232 íbúgvar fyri hvørjar 100.000 íbúgvar í Suðuroy verið smittaðir.
Tað er nógv meira enn norðanfjørðs, har støsta talið er Sandoy, har 8.176 fólk fyri hvørji 100.000 eru smittað seinastu sjey dagarnar.
Á triðja plássi er Norðstreymoy, har 8.155 fólk eru smittað fyri hvørji 100.000 fólk seinastu vikuna.
Í hinum økjunum eru tølini hesi:
Eysturoy: 7.944 fólk smittað fyri hvørjar 100.000 íbúgvar
Norðoyggjar: 7.932 fólk smittað fyri hvørjar 100.000 íbúgvar
Vágar: 7.302 fólk smittað fyri hvørjar 100.000 íbúgvar
Suðurstreymoy: 7.190 fólk smittað fyri hvørjar 100.000 íbúgvar
