Írska lágprísflogfelagið Ryanair hevur seinastu árið havt hall upp á 7,5 milliardir krónur, sum er merkt av koronufarsóttini og umfatandi ferðaavmarkingunum.
Tað vísir roknskapurin hjá Ryanair, sum er fyri skeiðið frá apríl í 2020 til síðsta mars í 2021. Til samanberingar hevði flogfelagið árið fyri eitt yvirskot upp á 4,8 milliardir krónur.
Ryanair hevði 27,5 milliónir ferðafólk umborð á flogførum sínum í árinum. Tað eru 121,1 millión færr enn árið fyri – svarandi ti eina afturgongd upp á 81 prosent.
Í ár væntar Ryanair tó við, at fleiri ferðafólk verða í ár, so hvørt sum koppsetingarnar breiða seg, og ferðaavmarkingarnar verða tiknar av.
Írska flogfelagið roknar við millum 80 og 120 milliónir ferðafólk í nýggja roknskaparárinum. Tað vil eftir øllum at døma vera nærri 80, skrivar Ryanair í roknskapinum.
Ryanair væntar, at felagið fer at koma gjøgnum komandi roknskaparár við einum úrsliti, sum fer at liggja um null.
/ritzau/