Klokkan 19.22 í gjárkvøldið fekk løgreglan eina fráboðan um ein bilførara í Havn, sum neyvan var edrúur.
- Fráboðarin visti at siga, at bilurin koyrdi í miðbýnum í Havn, og at síggja til var koyringin hjá viðkomandi bilførara óstøðug.
Løgreglan fór út, fann bilføraran og tók hann við sær á støðina, har tey høvdu hann undir hond í umleið ein tíma.
- Viðkomandi varð síðan leyslatin aftur, men er skuldsettur fyri rúsdrekkakoyring.
Vaktleiðarin visti í morgun at siga, at fráboðarin eisini hevði staðfest, at umrøddi bilførari hevði trupulleikar við at parkera bilin.
Tá hann skuldi parkera, tók hann nevniliga í ein annan bil, og tá var neyvan nakar serligur ivi um, at alt ikki var, sum tað átti.
