Finska felagið, sum eigur tað horvna farmaskipið Arctic Sea, hevur fingið krav um loysigjald fyri skip og manning. Tað var finska løgreglan, sum bar tíðindini um kravið um loysigjald, men meiri vil løgreglan ikki siga.
Arctic Sea, sum er skrásett í Malta, og sum hevur russiska manning, hvarv síðst í juli, tá tað var á veg úr Finnlandi til Algeria við viði.
Síðani hevur verið leitað eftir skipinum, og í gjár frættist, at tað var sætt suðuri í Atlantshavinum, og eitt russiskt skip er nú farið hagar at leita, skrivar Reuters.
