Í kvøld gjørdist tað greitt, at Kroatia gjørdist landslið nummar 21 at vinna seg til EM-endaspælið í Týsklandi.
Í bólki D vann Kroatia á heimavølli 1-0 á Armenia. Sigursmálið skoraði Ante Budimir beint undan steðginum.
Wales og Turkaland spældu javnleik 1-1 í Cardiff. Tí verður tað Kroatia sum fylgir Turkalandi til EM-endaspælið í Týsklandi.
Turkaland hevur 17 stig, Kroatia 16 stig og Wales hevur 12 stig.
Wales verður millum landsliðini sum skulu royna at vinna seg til EM gjøgnum Play Off dystir í Nations League.
Hesi 21 landsliðini hava higartil vunnið seg til EM-endaspælið:
- Spania
- Skotland
- Frakland
- Niðurlond
- Ongland
- Italia
- Turkaland
- Albania
- Kekkia
- Belgia
- Eysturríki
- Ungarn
- Serbia
- Danmark
- Slovenia
- Rumenia
- Sveis
- Portugal
- Slovakia
- Týskland (vertur)
- Kroatia
