Túsund smíl, sum fløgan kallast, hevur verið útseld seinastu dagarnar, men um vikuskiftið verður hon aftur at fáa í sølubúðunum. Eitt nýtt upplag er framleitt, og tað kemur til landið í dag. Allar tær 1500 fløgurnar, sum vóru framleiddar fyrst í juni mánaði, eru seldar.
Kular Røtur hava havt konsertir á summarstevnunum kring landið, og tær hava verið vælumtóktar. Aftur á vestanstevnu fara Kular Røtur at hava konsert. Tað verður í ítróttarhøllini í Vestmanna fríggjakvøldið klokkan 19.30.
Kular Røtur hava á seinnu fløguni serliga havt hitt við sanginum Hon er omma mín, sum hevur verið sera nógv spældur, og sum eitt sindur óvæntað hevur klatrað upp í toppin á hitlistanum hjá Útvarpinum, 15 tær bestu.
