Kunnandi tiltakið byrjar kl. 20 í kvøld SMS er í hesum døgum rammum um skotsku dagarnar. Í kvøld verður eitt spennandi tiltak á Café Baresso,sum Smyril Line skipar fyri, har kunnað verður um Skotland. Sue McCulloch frá VisitScotland fer at hava eina framløgu um Skotland, og kendi havnarmaðurin, Jørleif Kúrberg fer at siga frá nøkrum av sínum upplivingum, sum hann hevur havt á sínum mongu ferðum til Skotlands. Siðbundin, skotskur sekkjapíputónleikur verður eisini at hoyra.
