Eftir debutútgávuna av Vindtårer bjóðar sangarinnan Kvirr nú lurtarunum við til føroysku røtur sínar við sanginum Tá myrkrið fellur á.
Við íblástri frá barna- og ungdómsminnum úr heimbygdini Hvalba, málar sangurin eina livandi mynd av kvøldargongutúrum á stillum gøtum – oftast á veg heim til vinkonur.
Sangurin vekur eina inniliga og hugleiðandi kenslu, ið minnir um Teardrop hjá Massive Attack.
– Hesin sangurin er ein heiðran til øll tey vøkru minnini frá mínum barna- og ungdómsárum. Hann er tilætlaður mínum barndómsvinum, sum eg eri so heppin at hava í lívinum enn, sigur Eva Døgg Bragadóttir, sum í tónleikahøpi kallar seg Kvirr.
Hon vaks upp í Hvalba, áðrenn hon sum 16 ára gomul flutti til Danmarkar. Hon hevur gjørt tónleik á donskum áður, men roynir seg nú á móðurmálinum.
– At skriva á føroyskum følist sera persónligt, næstan sárt – og tað er júst tað, sum ger hendan sangin so serstakan fyri meg. Eg valdi eisini fyri nógvum árum síðani, at eg vil syngja á hvalbiskum, sigur hon.
Sangurin sameinir duldarskapin í føroyska landslagnum við náttarliga friðin í einari dreymakendari og atmosferiskari ljóðmynd.
Við Tá myrkrið fellur á heldur Kvirr fram við at kanna tað inniliga og persónliga í sínum tónleikaheimi og blandar indiepop, tíðleysar og hugleiðandi tónar.
Hoyr nýggja sangin her:
##med2##
Fylg Kvirr á Facebook HER.
Upplýsingar um sangin
Skrivað hevur: Eva Døgg Bragadóttir
Framleitt/producerað hevur: Eva Døgg Bragadóttir og Timur Allisstone
Mix: Timur Allisstone
Master: Jasper Jagd
Distributør: Digidi
Sangurin Tá myrkrið fellur á er eisini at hoyra á Spotify.
