Málið um Eik banka hevur víst, at avgerðin hjá landsstýrinum og løgtingum at gerast partur av bankapakkunum í ríkisfelagsskapinum var røtt. Tað sigur Kaj Leo Johannesen, løgmaður.
- Við hesum sluppu vit undan ógvusligum avleiðingum, ið kundu staðist av, at vit ikki vóru partur av hesi skipanini, sigur løgmaður í tíðindaskrivi.
Kaj Leo Johannesen, løgmaður, er fegin um, at meirilutin í bankanum verður varðveittur á føroyskum hondum, og at vit framhaldandi hava eitt sterkt fíggjarkervi við tveimum stórum bankum.
