Kai Leo Johannessen, løgmaður nam eisini við nýggjastu boringina á landgrunninum, tá hann helt ólavsøkurøðuna.
– Fyri fáum døgum síðani setti ein hin mest framkomni boripallurin í heiminum borin í føroysku
undirgrundina, einans 7 sjómíl frá oljufundi hinumegin markið. Vit bíða nú í spenningi eftir úrslitinum segði løgmaður og helt fyri, at síðan fyrsta útbjóðingarumfar at leita eftir kolvetni fyri knappliga 10 árum síðani, tykist áhugin
fyri føroyska økinum eitt sindur kólnaður. Kolvetnislógin er tí broytt og gjørd smidligari, so tað er møguligt at lofta brádliga íkomnum áhuga fyri einum ávísum øki og at veita loyvi skjótt, uttan fyri tey vanligu útbjóðingarumførini segði løgmaður. ENI fór undir at bora á Anne Marie leiðini fyri einari viku síðani.
