Stórur oljuleki hevur við sær, at lang vegastrekki í Klaksvík eru dálkað av olju, og vegirnir kunnu vera hálir.
Tað boðar løgreglan frá og biður fólk ansa sær. Bæði tí tað kann vera hált at koyra, og tí fólk frá kommununi og sløkkiliðnum eru farin út á vegirnar at bøta um støðuna.
Løgreglan sigur seg hava staðfest, at lekin er byrjaður á Stongunum, og lekin hevur síðan hildið fram heim eftir Nólsoyar Pálsgøtu til rundkoyringina við Posthúsið, niðan eftir Gerðagøtu, og síðan oman eftir Mækjuvegi ímóti Norðoyatunlinum.
Sløkkiliðið í Klaksvík hevur koyrt sand á nøkur vegastrekki.
