Í gjár endaði talvið millum teir báðar við hægstu styrkistølunum remis.
Tað var í fyrsta umfari í FM fyri einstaklingar, sum í dymbildagavikuni er í Skúlanum á Skúlatrøð í Klaksvík.
Annað umfar í fínu hølunum at telva í verður seinnapartin, tá ið fyrstu leikirnir verða fluttir klokkan 14.
Tað er almenn atgongd, og tað er einki atgongugjald.
Í gjár endaði tað remis millum Høgna Egilstoft Nielsen og Martin Poulsen, sum eru teir báðir, ið eiga hægstu styrkistølini av teimum, ið luttaka í hesi FM kappingini.
Í dag mugu teir báðir roknast at vera stórfavorittar, tá ið mett verður við styrkistølunum í huga.
Martin Poulsen hevur hvíta fólkið ímóti Rana Nolsøe, sum í gjár tapti ímóti Hans Kristian Simonsen, og Høgni Egilstoft Nielsen hevur svarta fólkið ímóti Samson Højgaard, sum í gjár tapti ímóti Margar M. Berg.
Talvið millum Haldur Suna Johansen og Luitjen Akselsson Apol endaði remis. Í dag eigur Luitjen svarta fólkið ímóti Margar M. Berg, og Haldur Suni eigur svarta fólkið ímóti Hans Kristian Simonsen.
Tað ber til at fylgja kappingini á hesi leinkjuni