Frá Landsverkfrøðingsstovninum fáa vit at vita, at tað er Landsgrannskoðarin, sum hevur roknað 7 mill. kr. skeivt.
Veruliga meirnýtslan í lønum á sjálvari rakstrarjáttanini er 900.000 kr. Henda meirnýtsla er gjørd í samráð við Vinnumálastýrið.
-Tað, sum Landsgrannskoðarin hevur gjørt skeivt, og hetta hevur hann síðani váttað fyri Landsverkfrøðingsstovninum, er, at hann hevur tikið lønarútreiðslur í sambandi við løgujáttanir til nýgerð av vegum, havnum og tunnilsgerð við í yvirlitið fyri lønarútreiðslurnar í sambandi við raksturin av stovninum. Og har hoyra tær ikki heima verður sagt frá Landsverkfrøðingsstovninum.
Málið um grannskoðaðu roknskapirnar hjá almennum stovnum kemur ananrs til 1. viðgerð á tingi týsdagin.
