Tað er hált kring alt landið og tað hevur viðført, at Landsverk ávarar bilførarar um at ansa sær í ferðsluni í dag. Hóast tað stendur at vera hált um alt landið, so eru nøkur støð, har tað er serstakliga hált, sambært Landsverki.
Tað er á Dalavegnum til Viðareiðis, á Gjáarskarði, á Kambsdali, á Oyndarfjarðarvegnum, á Høgareyni, á Oyggjarvegnum við Norðadalsskarð, við Velbastaðháls, á Fámjinsvegnum og á Porkerishálsi.
