Á Vestmannavegnum er ikki koyrandi í kvøld. Av Landsverki sigur Árni Jacobsen, at fleiri bilar standa fastir, og at har er als ikki koyrandi, tí tað rýkur so illa.
Nú hava vit ongan bumm at steingja Vestmannavegin við, men vit mæla fólki frá at koyra har, tí har er ikki koyrandi fyri jarðroki, sigur hann.
Aðrastaðni eru eisini ring líkindi í kvøld, og Gjáarvegurin og Oyndfjarðarvegurin eru langtsíðani stongdir.
Landsverk grevur vanliga til klokkan 21 á kvøldi.
