Kári P og Stanley spæla konsert i Føroyahúsinum í Keypmannahavn
Leygardagin tann 9. apríl kl. 19.30 kann ein hoyra Kára P. og Stanley í Føroyahúsinum í Keypmannahavn.
Kári P. (f. 1950) er kendur millum føroyingar fyri sín fólkatónleik. Boðskapur yrkjarans kemur einfalt og beinrakt fram, og fólk kenna sangir hansara; løg, har øll kunnu syngja við.
Kári P. hevur givið tvær plátur út ”Vælferðarvísur” og ”Hinumegin Ringvegin”.
Stanley (f.1951) byrjaði sína tónleikayrkisleið sum gittarleikari í Fuglafirði fyri gott 52 árum síðani, har hann í høvuðheitum spældi popp og rokk. Stanley spælir eini 50 konsertir um árið kring Norðanlond og Evropa, har hann framførir egin løg og sangir á føroyskum. Hann hevur m.a. givið út 6 føroyskar stakplatur og eina sangbók.
.Atgongumerki kunnu keypast í Føroyahúsinum týsdagar og fríggjadagar frá kl. 15.00-19.00.
Eisini ber til at senda ein mail til info(at)fohus.dk
,
Dyrnar lata upp kl. 19.00.
