Leygardagin verður stóra skandinaviska finalan í First Lego League. Føroysku finaluna vunnu Lego Vinir úr skúlanum við Løkin í Runavík. Við sigrinum vunnu teir samstundis rættin at luttaka í skandinavisku finaluni. Og teir eru til reiðar! Líka síðani teir vunnu føroysku finaluna 10. novembur hava teir arbeitt miðvíst og málrættað við uppgávunum, sum hoyra kappingini til.
Útgangsstøðið er gott. Í robotkappingini fingu teir næst besta úrslitið í øllum norðanlondum. Tí er tað fyrst og fremst í robotkappingini, at teir kunnu gera seg galdandi.
Í ástøðiliga partinum hava Lego Vinir fingist við eitt telduforrit, har teir royna at hjálpa eldri fólki at brúka teldu. Teir leggja lag á at brúka Skype, Facebook og Google Chrome. Ætlanin er at víðka forritið til eisini at fevna um Netbankan, Picasa o.o.
Lego Vinir hava eisini roynt at selt vøruna. Teir hava verið á einum kvøldskúlaholdið og roynt forritið av. Tað gekst sera væl, og teir fingu viðmæli bæði frá læraranum og teimum eldru brúkarunum.
Ferðalagið við Lego Vinum fer úr Vágunum hósmorgunin og kemur aftur sunnudagin. Vónandi við einum góðum úrsliti.
Kappingin kann streamast á heimasíðuni hjá Lego Vinum, www.lego-vinir.weebly.com
