Løgreglan leitar eftir eini 15 ára gamlari gentu í Havn, sum hevur verið saknað í meiri enn eitt samdøgur. Seinast nakar sá hana, var stutt eftir midnátt mikukvøldið og tí eru tey bangin um hana. Gentan eitur Rebekka. Hon er 155 cm høg, hevur stutt ljóst, avbleikt hár við grønum/gulum frunti og piercing í yvirvørrini.  Hon er í einum svørtum jakka og lillalitaðar buksur, sum á myndini. Løgreglan sigur, at tey hava onga hóming av, hvar hon kann vera, men tey royna at leita hjá fólki, sum hon kennur. 

Um tit vita nakað um Rebekku, vera tit biðin um at ringja til Føroya Politi á tlf. 114, sigur løgreglan