Á heimasíðuni, hav.fo, skrivar Havstovan, at tey søkja eftir nótaskipi at gera royndirnar við yvirlitstroling eftir makreli frá 6. til 25. juli.
Kanningin verður fíggjað við granskingarkvotu, og upp til 3.500 tons av makreli og 500 tons av norðhavssild eru ætlað at fíggja yvirlitstrolingina. Sagt verður, at kvoturnar kunnu fiskast í føroyskum ella altjóða sjógvi, og at tær verða lætnar sum eginkvotur.
