Ein leopardur hevur dripið eigara sín í einum privatum djóragarði í Slovakia. Hetta hendi í bygdini, Jasenie.
Tað upplýsa myndugleikarnir í landinum.
Løgreglan í býnum, Banska Bystrica í Slovakia, sigur, at hin 63 ára gamli maðurin varð funnin lívleysur í garðinum, har leopardurin gekk.
- Eingin vandi var fyri øðrum íbúgvum, og vanlukkan verður nú kannað, leggur løgreglan aftrat.
Almenna tíðindastovan STVR í Slovakia sigur, at maðurin rak einsamallur ein privatan djóragarð.
Her hevði hann 20 ymisk dýr, bæði húsdjór og villini djór.
- Hvat fer at henda við leopardinum, sum drap eigaran, er ikki greitt í løtuni, veit tíðindastovan NTB at siga seinnapartin.
