Fleiri fólk í einum matvøruhandli í Aucklandi í Ný Sælandi eru í dag álopin av einum manni við knívi, og forsætisráðharrin í landinum, Jacinda Ardern, kallar álopið eina yvirgangsatsókn.
Á tíðindafundi segði hon, at maðurin, sum framdi illgerðina, var kendur av løgregluni, og at løgreglan áður hevur greinað hann sum ein víðgongdan IS-stuðul.
- Tað, sum hendi í dag, er andstyggiligt og haturskent. Tað var ein harðrendur og víðgongdur maður, sum framdi yvirgangsálopið í handilshúsinum í Aucklandi, segði Jacinda Ardern á tíðindafundinum.
Støðan hjá fleiri av teimum løstaðu er álvarslig. Vakmyndaupptøkur úr handilshúsinum vísa fólk, sum renna út úr handlinum í panikki.
Løgreglan sigur, at ein maður kom inn í handilshúsið og byrjaði at stinga frá hond.
- Vit hava funnið mannin, sum varð skotin og doyði á staðnum, verður lagt aftrat.
Sambært forsætisráðharranum, Jacinda Ardern, varð yvirgangsmaðurin skotin og dripin 60 sekund eftir, at hann byrjaði álopið á viðskiftafólk, sum vóru stødd í handilshúsinum.