? Kortini hava vit ikki fingið avklára, hvaðar Javnaðarflokkurin vil, men hetta uppskotið er eitt tekin um, at flokkurin vil viðgera málið.
Annars vísti Óli Breckmann á, at uppskotið var skilagott á tann hátt, at Javnaðarflokkurin skjeyt upp, at vit fyrst fara at kanna avleiðingarnar, áðrenn støða verður tikin til, hvørja skipan vit skulu hava við Danmark.
? Tað er nú ikki so býtt fyrst at finna fram til, hvørjar avleiðingarnar verða, helt hann.
Óli Breckmann vísti eisini á, at tað í hesum føri eisini hjá samgonguni snýr seg um at fáa Javnaðarflokkin vinarliga sinnaðan mótvegis broytingunum, tí fyri at fáa ein breiðan meiriluta á tingi, má Javnaðarflokkurin verða við - Sambandsflokkinum hevði hann onga vón um.
At enda segði Óli Breckmann, at samgongan eigur at vísa sín positiva vilja - hóast samgongan átti at hildið fast við sítt egna uppskot.
